दिव्य न्यूज नेटवर्क
माचणूर येथील भिमा नदीपात्रातील बेकायदा वाळू चोरून घेवून जात असताना ट्रॅक्टर पोलिसांनी पकडून ट्रॅक्टर चालक व मालक यांच्याविरूध्द वाळूचोरीचा गुन्हा दाखल केला आहे.दरम्यान पोलिसांनी ट्रॅक्टरसह 3 लाखाचा मुद्देमाल जप्त केला आहे.या घटनेची हकिकत अशी,दि.25 रोजी रात्री 2.20 वा.माचणूर भिमा नदीपात्रातून एम एच 13 ए.ए 2827 हा अर्जून कंपनीचा ट्रॅक्टर ट्रेलरमध्ये पाच हजार रुपये किमतीची एक ब्रास वाळू चोरून घेवून जात असताना पोलिसांना मिळून आला.पोलिस दिसताच सदर ट्रॅक्टरवरील चालकाने ट्रॅक्टर जागेवर सोडून पलायन केले.त्या ट्रॅक्टर चालकाचा शोध मागील दोन दिवसापासून पोलिस घेत आहेत.मात्र अदयाप पोलिसांना तो सापडू शकला नाही.
संबंधीत सजेच्या तलाठयांना वाळू चोरी माहित असतानाही संगनमताने वाळू चोरी होत असल्याचा नागरिकांचा आरोप आहे.जिल्हाधिकारी मिलिंद शंभरकर यांनी याकामी लक्ष घालून भिमा व माण नदीपात्रातून होणारी वाळू चोरी तात्काळ थांबवावी अशी मागणी होत आहे.
