दिव्य न्यूज नेटवर्क
जग सध्या कोरोनाच्या महामारीने त्रस्त असताना कोरोनाला रोखन्यासाठी तब्बल 10 महिन्यानी निर्माण झालेली कोरोना लस केंद्र व राज्यसरकारकडून मंगळवेढा येथे दाखल झाली ही लस पहिल्यांदा आरोग्य विभागाशी सम्बधित कोरोना योध्याना लस उपलब्ध करून दिली असून मंगळवेढा तालुक्यात आज दि 16 रोजी जिल्हा पोलिस प्रमुख तेजस्विनी सातपुते यांच्या हस्ते ल दहिवडी येथील आशा वर्कर उज्वला कोष्टी यांना प्रथम लस देऊन लसीकरणास प्रारंभ केला.
मंगळवेढा ग्रामीण रुग्णालयात शनिवारी कोविशिल्ड लसीकरणाचा प्रारंभ करण्यात आला. लसीकरण मोहिमेसाठी एकूण 953 डॉक्‍टर्स, नर्स, आरोग्य कर्मचारी, आशा वर्कर व अंगणवाडी सेविका यांची नोंदणी करण्यात आली आहे. सध्या त्यापैकी ग्रामीण रुग्णालयात एकूण 520 लशी उपलब्ध झाल्या आहेत.त्यातील आज पहिल्या दिवशी एकूण 100 जणांना लस देण्यात आली आहे.480 आरोग्य कर्मचाऱ्यांना लस देण्याचे उद्दिष्ट आहे यावेळी आरोग्य कर्मचारी ,वैद्यकीय अधिकारी यांनी उत्साहाने लस घेतली यावेळी ज्यांनी लस घेतली आहे त्यांना 28 दिवसांनी पुन्हा लस दिली जाणार आहे
ग्रामीण रूगणालयात पाेलीस अधिक्षक तेजस्वी सातपुते यांच्या हस्ते लस केंद्राचे उदघाटन करण्यात आले.
