मंगळवेढा/प्रतिनिधी
सावित्रीबाई फुले यांचा वारसा चालविण्याची सर्व जबाबदारी शाळेतील शिक्षण घेणाऱ्या सर्व मुलीनी घ्यावी असे मत मंगळवेढा नगरपालिकेच्या नगराध्यक्षा सौ.अरुणाताई माळी यांनी एक कानमंञ दिला.मातृत्वाचे दर्पण घेऊन जिचा जन्म झाला, संपूर्ण जनतेला स्वतःच्या नावाची लेखी ओळख जिने करून दिली ‘चूल आणि मूल’ या संकल्पनेतून महिलांना बाजूला काढून त्यांना स्वतःच्या अस्तित्वाची जाणीव ज्यांनी करून दिली, त्या क्रांतीज्योती सावित्रीबाई फुले यांचा आदर्श डोळ्यासमोर ठेवून यश खेचून आणण्याची तयारी ठेवावी असे त्यां यावेळी बोलताना म्हणाल्या यावेळी मंगळवेढा पंचायत समितीच्या सभापती प्रेरणाताई मासाळ यांनी सावित्रीबाई फुले यांचा कार्य तळागाळापर्यंत पोहचवण्यासाठी मुलींनी सज्ज रहावे असे प्रतिपादन केले.
श्री.कामसिध्द विद्यालय खुपसंगी येथे आयोजित केलेल्या तालुकास्तरीय किशोरी हितगुज मेळाव्यास मार्गदर्शन करताना त्या बोलत होत्या. अध्यक्षस्थानी जिल्हा परिषद शाळा खुपसंगीची विद्यार्थिनी धनश्री संतोष वाले होती.प्रमुख पाहुणे म्हणून ढवळस जि.प.शाळेची विद्यार्थिनी वैभवी हेंबाडे तर उद्घाटनप्रसंगी प्रास्ताविक गटशिक्षण धिकारी पोपट लवटे यांनी केले
