दिव्य न्युज नेटवर्क
राज्यात महाविकास आघाडी उभारण्यात अतिशय महत्त्वाची भूमिका बजावणारे दोन नेते म्हणजे शिवसेना खासदार संजय राऊत आणि राष्ट्रवादी काँग्रेसचे अध्यक्ष शरद पवार.हे दोघे सत्तास्थापने आधी एकत्र भेटल्यावर त्यांच्या भेटीची चर्चा होणं स्वाभाविक होतंच.पण सत्तास्थापना झाल्यानंतरही पवार-राऊत यांची भेट कायमच लक्ष वेधून घेते. अशीच एक भेट आज संजय राऊत यांच्या मैत्री बंगल्यावर झाली.शरद पवार, उपमुख्यमंत्री अजित पवार,धनंजय मुंडे या तिघांनी भांडुप येथील निवासस्थानी जाऊन संजय राऊत यांची भेट घेतली.
संजय राऊत यांच्यावर बुधवारी,२ डिसेंबरला लीलावती रुग्णालयात अँजिओप्लास्टी शस्त्रक्रिया यशस्वीरित्या पार पडली.या शस्त्रक्रियेत त्यांच्या हृदयात दोन स्टेन टाकण्यात आले असल्याची माहिती डॉक्टरांकडून देण्यात आली.खरे पाहता गेल्या वर्षी नोव्हेंबर महिन्यात झालेल्या अँजिओप्लास्टीच्या वेळी एकूण तीन स्टेन टाकण्यात आले होते.यातील एक स्टेन खराब झाल्यामुळे आता पुन्हा एकदा शस्त्रक्रिया करण्यात आल्याचे सांगण्यात आले.
