दिव्य न्युज नेटवर्क
मंगळवेढा शहर व ग्रामीण भागात बहिण भावाचे अतुट नाते घट्ट करणारा राखी पौर्णिमा(रक्षाबंधन)चा सण रक्तातील नात्याव्यतिरिक्त मानलेल्या बहिण भावामध्येही मोठया उत्साहात साजरा करण्यात आला.दरम्यान,कोरोनामुळे राखी बांधण्यास भावाला बहिणीकडे जाता न आल्यामुळे व्हॅटसअॅप व व्हिडिओ कॉलींगच्या माध्यमातून राखी बांधून घेत फुलोंका तारोंका सबका कहना है एक हजारोंमे मेरी बहना है सारी उमर हमे संग रहना है या गीताच्या ओळी गुणगुणत भावाने बहिणीकडून राखी बांधून घेतली.
रक्षाबंधननिमित्त बहिण पौर्णिमा भाऊ पृथ्वीराज याला राखी बांधून औक्षण करताना. |
- बाजारात इंडियन मॉडेलच्या राख्या विक्रीसाठी ठेवण्यात आल्या होत्या. यंदा चायना राख्या पुर्णतः हद्दपार झाल्याचे दिसून आले. बहिणीकडून भावाने राखी बांधून घेतल्यानंतर भावाने बहिणीला औक्षण केल्यानंतर भेट वस्तू, साडी,पैसे व दागिन्याच्या स्वरूपात दिल्या.औक्षण केल्यानंतर वस्तू भेट देण्याची परंपरा असून बहिणीला भावाची आठवण रहावी हा उद्देश त्या पाठीमागे आहे. रक्षाबंधनचा सण घरोघरी व्यतिरिक्त अन्य सामाजिक संस्थांमधूनही साजरा करण्यात आला.