पंढरपूर/प्रतिनिधी
पंढरपूर तालुक्यातील वाखरी येथील कोविड सेंटर येथे उपचारासाठी दाखल असलेल्या दोन वर्षाच्या चिमुकल्याने कोरोनावर मात केली असून, चिमुकल्याला आज टाळयांच्या गजरात व फुलांचा वर्षाव करीत मोठ्या उत्साहात घरी सोडण्यात आले.
या लहानग्याला वाखरी येथील कोविड केअर सेंटर येथे निरोप देण्यासाठी तहसिलदार वैशाली वाघमारे, मुख्याधिकारी अनिकेत मानोरकर, उपजिल्हा रुग्णालयाच्या वैद्यकीय अधिक्षिका डॉ.जयश्री ढवळे, तालुका वैद्यकीय अधिकारी डॉ.एकनाथ बोधले, उपजिल्हा रुग्णालयाचे डॉ.प्रदिप केचे, डॉ. धनंजय सरोदे, डॉ.वृषाली पाटील, डॉ.पल्लवी पाटील , डॉ.भाऊसाहेब जानकर तसेच आरोग्य कर्मचारी उपस्थित होते.