दिव्य न्यूज नेटवर्क
हुलजंती येथील मंडल अधिकारी सत्यवान निवृत्ती घुगे याने दहा हजाराची लाच स्विकारल्याप्रकरणात पोलिसांनी अटक करून 48 तासापेक्षा अधिक काळ कारागृहात ठेवल्याने त्या मंडल अधिकार्‍यास जिल्हाधिकारी मिलिंद शंभकर यांनी सेवेतून निलंबीत केले आहे.दरम्यान याचा आदेश नुकताच मंगळवेढा तहसील कार्यालयास प्राप्त झाला आहे.
पंढरपूर जिल्हा सत्र न्यायालयात उभे केले असता 15 दिवसाची न्यायालयीन कोठडी सुनावली होती. सदर घटनेचा अहवाल लाच लुचपत विभागाकडून जिल्हा प्रशासनाला प्राप्त झाल्यानंतर जिल्हाधिकारी मिलिंद शंभरकर यांनी त्या मंडल अधिकार्‍यास तात्काळ सेवेतून निलंबीत करीत असल्याचा आदेश काढला होता. हा आदेश नुकताच मंगळवेढा तहसील कार्यालयास प्राप्त झाला आहे.
 |
दरम्यान महाराष्ट्र नागरी सेवा शिस्त व अपील 1979 मधील 8 अन्वये विभागीय चौकशीकरीता दोषारोपपत्र पुराव्यासह सादर करण्याच्या सूचना करण्यात आल्या आहेत.सध्या घुगे यांच्या नेमणूकीचा आदेश सोलापूर येथील करमणूक अधिकारी कार्यालयाकडे झाला असल्याचे सांगण्यात आले.
